తిరుమలకు వెళ్లే శ్రీవారి భక్తులకు దర్శనం టికెట్లు అంత ఈజీగా దొరకవు. ప్రత్యేక దర్శనం, సేవా టికెట్లను ఒకటి రెండు నెలల ముందే బుక్ చేసుకోవాలి. పోనీ.. ఉచిత దర్శనానికి వెళ్దామంటే రోజంతా క్యూ లైన్లో ఉండాలి. మరి 300 రూపాయల దర్శనం టికెట్లు లేని వారు.. గంటల పాటు క్యూలైన్లో వెయిట్ చేయలేని వారికి బెస్ట్ ఆప్షన్ ఇదే. తిరుమల శ్రీవారిని దర్శించుకోవాలంటే.. ఏదైనా ఒక టికెట్ ఉండాలి. 300 రూపాయల ప్రత్యేక దర్శనం, ఆర్జిత సేవా టికెట్లు.. లేదంటే కనీసం SSD టోకెన్ అయినా ఉండాలి. ఎలాంటి టోకెన్, టికెట్ లేకుండా కూడా శ్రీవారిని దర్శించుకోవచ్చు. కానీ రోజంతా క్యూలైన్లలో ఉండాలి. అలాకాకుండా ఆన్లైన్ టికెట్లు దొరకని వారు కూడా.. తిరుమలకు వెళ్లి.. అక్కడ నేరుగా టైమ్ స్లాట్ సర్వ దర్శనం టికెట్లు పొందవచ్చు. కానీ దీనికి కూడా ఐదారు గంటల సమయం పడుతుందంతే.
ఎలాగంటే.. ఆర్టీసీ బస్సుల్లో తిరుపతికి వెళ్తే.. బస్సు టికెట్తో పాటు శ్రీవారి దర్శనం టికెట్లను కూడా పొందవచ్చు. ఏపీస్ఆర్టీసీతో పాటు టీఎస్ఆర్టీసీ కూడా ఈ టికెట్లను అందజేస్తోంది. తెలంగాణలోని వివిధ ప్రాంతాల నుంచి తిరుపతికి టీఎస్ఆర్టీసీ బస్సులు నడుపుతోంది. వారిలో ప్రతి రోజు వెయ్యి మంది ప్రయాణికులకు రూ.300 శీఘ్ర దర్శన టికెట్లు అందుబాటులో ఉంటాయి. ఈ సౌకర్యాన్ని భక్తులు ఉపయోగించుకోవచ్చు. అలాగే ఏపీఎస్ఆర్టీసీ వెబ్సైట్ https://www.apsrtconline.in/ ద్వారా లేదా టీఎస్ఆర్టీసీ వెబ్సైట్ https://tgsrtc.telangana.gov.in/ ద్వారా కూడా బుక్ చేసుకోవచ్చు.
తిరుమల రూ.300 దర్శన్ టిక్కెట్లను ఆన్లైన్లో ఇలా బుక్ చేసుకోవచ్చు:
- మొదట టీటీడీ అధికారిక వెబ్సైట్ https://www.tirumala.org/ ఓపెన్ చేయాలి
- తర్వాత హోమ్ పేజీలోని ఆన్లైన్ బుకింగ్ ఎంపిక మీద క్లిక్ చేయాలి.
- ఆన్లైన్ టిక్కెట్లను బుక్ చేసుకోవడానికి మీరు ఆన్లైన్ అకౌంటును కలిగి ఉండాలి.
- ఒకవేళ లేకపోతే అకౌంట్ క్రియేట్ చేసుకోవాలి
- ఈ-మెయిల్ ID మరియు పాస్వర్డ్ ఉపయోగించి హోమ్ పేజీలో నేరుగా లాగిన్ కావొచ్చు.
- లాగిన్ అయిన తరువాత ఈ-ఎంట్రీ దర్శన్ ఎంపికను ఎంచుకోవాలి.
- తర్వాత ఎంత మంది దర్శనానికి వెళుతున్న వ్యక్తుల వివరాలను నమోదు చేయాలి. అలాగే మీకు అవసరమైతే అదనపు లడ్డూస్ కూడా ఎంచుకోవచ్చు.
- తేదీని ఎంపిక చేసుకుని అందుబాటులో ఉన్న టైమ్ స్లాట్లను ఎంచుకోని ముందుకు కొనసాగడానికి 'కంటిన్యూ' ఎంపిక మీద క్లిక్ చేయాలి ఇప్పుడు యాత్రికులుగా మీతో పాటు వచ్చే ఇతర వ్యక్తుల వివరాలను నమోదు చేయాలి.
- చెల్లుబాటు అయ్యే ID లను నమోదు చేయాలి.
- ఇది పూర్తయిన తర్వాత పేమెంట్ ఎంపికపై క్లిక్ చేసి మీకు అనుకూలమైన మోడ్ ప్రకారం ఆన్లైన్లో డబ్బును చెల్లించాలి.
- పేమెంట్స్ విజయవంతమైన తర్వాత మీరు మీ టిక్కెట్లను PDF రూపంలో డౌన్లోడ్ చేసుకోవచ్చు.