Wishes
  • చిరంజీవి మహాలక్ష్మి పుట్టినరోజు శుభాకాంక్షలు , మీ గోత్రనామాలతో ప్రత్యేక పూజలు జరిగినవి.
  • TODAY'S NITHAYPOOJA MEMBERS :
CONTACT US

శ్రీవారి భక్తులకు అలర్ట్.... అలిపిరి మెట్ల మార్గం మూసేసిన టీటీడీ


తిరుమలకు కాలినడకన వెళ్లే అలిపిరి మెట్ల మార్గం నేటి నుంచి మూసివేస్తున్నట్లు టీటీడీ తెలిపింది. పైకప్పు పునర్మిర్మాణ పనులు వేగవంతంగా పూర్తి చేసేందుకు రెండు నెలల పాటు ఆ మార్గాన్ని మూసివేయనున్నారు.

తిరుమలకు వెళ్లే భక్తులకు రెండు నెలల పాటు

అలిపిరి మెట్ల మార్గం అందుబాటులో ఉండదని తిరుమల తిరుపతి దేవస్థానం(టీటీడీ) ప్రకటించింది. తిరుమలకు వెళ్లే అలిపిరి కాలినడక మార్గంలో పైకప్పు పునర్నిర్మాణ పనులను వేగంగా పూర్తి చేసేందుకు జూన్ 1 నుంచి జూలై 31 వరకు ఆ మార్గాన్ని మూసివేస్తున్నట్టు టీటీడీ వెల్లడించింది. దీంతో తిరుపతి నుంచి తిరుమలకు కాలినడకన వెళ్లాలనుకునే భక్తులు శ్రీవారి మెట్టు మార్గం ద్వారా వెళ్లాలని సూచించింది. ఇందుకోసం అలిపిరి నుంచి శ్రీవారి మెట్టు వరకు ఉచిత బస్సుల ద్వారా భక్తులను తరలించేందుకు టీటీడీ ఏర్పాట్లు చేస్తోంది. తిరుమలకు వచ్చే భక్తులు ఈ విషయాన్ని గమనించి తమ సిబ్బందికి సహకరించాలని టీటీడీ కోరింది.

మరోవైపు తిరుపతి నుంచి తిరుమలకు వెళ్లే దారిలో అలిపిరి చెక్‌ పాయింట్‌ వద్ద నేటి నుంచి ఫాస్టాగ్‌ అమల్లోకి రానుంది. ఇప్పటికే తిరుమల-తిరుపతి మధ్య టాక్సీవాలాలతో సమావేశమైన అధికారులు ఫాస్టాగ్‌ అమలుపై సమీక్ష నిర్వహించారు. దీంతో పాటు పెంచిన కొత్త టోల్‌ చార్జీలను నేటి నుంచి అమలు చేయనున్నట్లు తెలిపారు. గతంలో బైక్‌లకు 2 రూపాయల చార్జీ వసూలు చేస్తుండగా.. ఇకపై వాటిని ఉచితంగానే అనుమతిస్తారు. నాలుగు చక్రాల వాహనాలకు గతంలో రూ.15 ఛార్జీ ఉండగా నేటి నుంచి 50 రూపాయలు వసూలు చేయనున్నారు.

  • June 02 , 2021
  • 09:09 am